يا إخوتي بهالوطن، المافيا اللي عنا دمرت بيروت بكل شوارعها، ودمرت شعب بكل طوايفو، بسرقة الايداعات وبالنيترات وبالتجني وبالتشبيح وبغياب القانون ويالصفقات وبالمخ_درات وبالفلتان الامني وبالمؤامرات وبالعمالة وما حدا سأل، بدكم ياهم يسألو عن تشويه تمثال!
بتسألو، برات دعم المغتربين، كيف بعدو ماشي هالبلد وكيف كتار بعدهم عايشين هون بالهشك بشك والسهر والتفشيخ؟ سألو التيكتوك، وعقلية الانبطاح للقمة العيش. سألو المتسولين ع بواب الزعما والاحزاب ولو كرمال الحصول ع كرت تشريح. سألو تجارة الرقيق بالامارات. سألو اللي مأجرين نازحين ع حساب اللبنانيي. سألو التجار اللي صارت اغلب تجارتهم ببضاعة سورية وايرانية. سألو الكرامات الممسوحة والرجال المخصية. استفسرو ليش كتار من مجتمعاتنا صارو شرابة بخرج ع بواب الضاحية.
نصيحة لوج الله، خففو تماثيل وكترو ايمان وتعاضد ووقفات انسانية واهم شي ساعدو الناس. كلنا فالين والحجر رح يبقى حجر، والانسان رح يبقى انسان، واعمالنا هيي كنزنا الوحيد اللي مقبول يوم الدينونة. هونيك لا برستيجكم بينفع، ولا وظوظاتكم بتنفع، ولا الايماج دو مارك تبعكم، ولا جنزير الذهب بالرقبة، ولا السيغار، ولا مناصبكم، ولا فتح الشمبانيا، ولا تفشيخكم بِيفيدو. هونيك ما فيه رقص عالطاولات. هونيك انتو مكشوفين، وما بقى رح فيكم تعملو وتزوزؤو قرفكم. اعتقو حالكم بركي وعم قول بركي بعد بتلحقكم شوية مغفرة.
