وقفو تربطونا بالسفارات وانتو باريين عتابها، وقفو تحرمونا نشتغل وتعطو كل الفرص للنازحين، وقفو تقتلونا ببيوتنا وسياراتنا لأننا ضد فسادكم وعمالتكم وزعرناتكم وسلاحكم، وقفو تصادرو اموالنا ولقمة عيشنا، وقفو ترفعو اسم الله وانتو عم تضطهدو شعبو، وقفو تستعملو سلطتكم واجهذتكم تتخنقونا...ببلد صارو فيه النازحين واللاجئين اكتر من عدد سكانو الاصليين، ببلد صارو ولادو محرومين من كل شي، ببلد صار فيه السلاح الغير شرعي اكثر واقوى من السلاح الشرعي، ببلد صار النازح بيقبض من الأمم والمواطن بموت من الجوع، ببلد صار النازح عم يذبح اهل البلد ويعمل صفقات ع ضهرهم، ببلد صارت المؤسسات الأممية بتعطي فيه رسائل تعريف للنازحين، ببلد اهلو ما بيقدرو يتحكمو بينما ضيوفو حكمتهم مأمنة ع حساب المؤسسات الدولية، ببلد الولادات فيه أكثرها بتعود للاجئين، ببلد صار الاحتلال فيه مقنع ع أيادي ولادو، ببلد البطرانين فيه بيدعسو ع وجع اخوتهم بالوطن، ببلد رجال الدين فيه بيسرقو المساعدات... ما بقى حدا يخبرنا إنو هيك وقف الله بكون!ربنا يصطفل فيكم، ولعنة التاريخ اكيد رح تلحق اساميكم لخلف نار جهنم. ملايكة دين بروان وكيسنجر وساركوزي وماكرون بعدا حاضرة، والقصة قصة وقت مش اكثر، والكل بعدو سكران، شي بالمال، شي بالسلطة، شي بالتبعية، شي بالهشك بشك، شي بالخسة الكبرانة بالراس، وشي بشعارات فارغة، وشي بالتقارير فينا، وشي بأمجاد دفنتها الخيانة. ارحمنا يا رب