عنا بشر ما بيشبهو الله، كذبو علينا بإسم الدين وباعو التضحيات والبلدعنا بشر ما بيعرفو من هالدني الا المال، كذبو علينا بإسم القضية والإنماء لَسرقو البلدعنا بشر حملو الكتب المقدسة، ليتاجرو فيها وفيناعنا بشر لبسو ثياب الثورة، وخطفو الثورة ودفنو الحلمعنا بشر فتشو ع ثوب التبعية، وخانو المنطق والكرامة ليلبسو ثوب المصلحةعنا بشر نسيو إنو في غيرهم بدو يعيش، فنهبو كل الخير ورفعو بيرق الأناعنا بشر ما بيعرفو الا ينظرو ويهربو، ولما بِدِق النفير بيتركونا وحدنا نموتعنا بشر شغلتها بس تقتل القتيل وتمشي بجنازتوعنا بشر ما بتعرف من تاريخنا الحديث الا الطقش والفقش وحفلات عمرو ديابعنا بشر ما بتعرف الا تستسلم، وبتنسى إنو الحق بيتاخذ وما بينعطىعنا بشر ما بتعرف من قيمة الشهادة الا شوية صلا، وبتنسى كيف ريحة ترابنا بعد كل شتوي بتصير تشبه ريحة البخورعنا بشر ما بتعرف تكون الا قطعان، وعيونها مغمضة لحساب اللي عم بتاجر فيهاعنا بشر ما بيعرفو الا يسكرو بنفخات فانية وكذابة، دمرو التاريخ ولطخو بوسمات التصنع والدجلعنا بشر ما بتعرف تحاسب، لأنها ما بتعرف الا تحني روسهاعنا بشر دفنت المبادىء، ورفعت رايات الخيانة وتغيير الألوان لسكنتنا اللعنةعنا بشر ماتت ببيوتها، لَتُعْمَرْ بيوت الزعما والتجاروعنا قلوب ما بقى تعرف غير الوجع وعيون ما بقى تعرف غير تبكي!وحدهم القلال الباقيين خلف حيطان الصمت بالبيوت البردانة، لابسين ثوب الصبر وخوف الله بدنيتنا ال صارت مظلمة، وايديهم مرفوعة صوب السما، تستنجد الخالق وتفتش بمساحات العنفوان والكرامة الباقية عن شي بطل يولع شرارة ربنا بقلوب الاوادم بركي مِنْلَحِق بعد نْرَجِعْ استقلالنا وِنْخَلِصْ بلدنا من كل هالاوباش والازمات المستوردة، ليرجع شي يوم ينقال إنو رجع لبنان عن حق دولة وعن جد وطن.هلقد بحبك يا لبنان