صعبة لما بِتْضَيِعْ وطن وبتلاقيه بالغربةصعبة لما بتنخطف الحرية وبتلاقيها بالسجنصعبة لما بتموت العدالة وبتلاقيها عند المجرمينصعبة لما بتنسحق الكرامات وبتلاقيها ع بواب الزعماءصعبة لما بينقتل القتيل وبيمشي القاتل بجنازتوصعبة لما بتخسر آنتماءك الوطني وبتلاقيه بالخيانة والتبعيةصعبة لما بتصير غريب ببلدك وبصير الغريب كل البلدصعبة لما بتنباع القضية وبتلاقيها عند تجار الدم والعمالة والمالصعبة لما تستبدل شارل مالك وفؤاد افرام البستاني بمحمد رعد وعلي الخليل والميقاتي وامثالهمصعبة لما يحتل رجال الميليشيات والاحزاب مواقع رجال الدولةصعبة لما بتفتح بيتك لخيك بالوطن بساعات الشدة وهو بيفتحلك باب المقبرة بساعة السلامصعبة لما بتنسجن لأنك عم بتطالب بدولة القانونصعبة لما بتختفي اموالك وبتلاقيها بجيوب اصحاب المصارف وجماعة المنظومةصعبة لمن بتندفن التضحيات مع رحيل ابطالهاصعبة لما بتحفر سيادة هالوطن بالدم وبتلاقيهم عم ببيعوها للي بيدفع اكثرصعبة لمن بتروح تزور قبر رفيقك الشهيد وبتلاقي النسيان اكل دروبوصعبة لما الصخر ببطل صخر والعنفوان بصير حكايةصعبة لما بينبري القلم الحر ع حدود الإعلام المأجورصعبة انتَ عم تبكي من كل شي في ظلم بهالوطن وتلاقي اخواتك عم يرقصو بحجة \"نحن شعب عييش\"صعبة تشوف مصانعك وشركاتك تسكرت وتلاقي شعبك عم يترقوص عالتيك توكصعبة تشوف رجل دين بآمن بتعاليم وتواضع المسيح وهو عايش المجد وحامل الذهب وراكب افخم السياراتصعبة دمعة الاهالي اللي خسرو ولادهم بتفجير المرفأ بالوقت اللي ما حدا سئلان عن قضيتهمصعبة لما يكون عندك جيش شرعي بتحبو، وحاكمك بموجب سلطة الامر الواقع جيش غير شرعي ثانيصعبة لما يكونو المجرمين واصحاب الشهادات المزورة متربعين عالكراسي واصحاب الادمغة منفيين بالبيوتصعبة تضلك واقف بأرض ما بيقدر يستمر فيها الا الازعرصعبة تشوف السفاح رافع صورة ضَحِيتو وعم بصليلوصعبة يكون عنا قديسين كتار ونحن منقادين ومحكومين ببطش رجال العصاباتصعبة تتمثل بالعالم الحر والعالم الحر مش قاريكصعبة تكون بمساحة هلقد زغيرة وعندك هلقد مشاكل ونكباتصعبة تدفع كل شي فيه ضرايب وانت ابسط أمور الحياة ما عندك ياهاصعبة تربي ولادك بدموع العين ويموتو بفوضى وعتمة الطرقاتصعبة يكون عندك هلقد ناس معلمة وما تنحكم الا من قبل البلطجيةصعبة بعد ما كنا البكرا نصير الذكرى والحنينصعبة جنة الله عالارض يكون فيها هلقد شياطينصعبة نتأمل يصير عنا وطن ونحن لاحقين الواويةصعبة ما نبكي عالمطرح اللي وصلنالوصعبة ما تلحقنا لعنة التاريخصعبة بعد ما صدرنا الحرف، نبطل نعرف نصدر الا الكيبتاغون والعمالة والفوضى...بالنهاية ما بقى إلنا غير الصلا وعجيبة من عند ربنا تقضي ع كل ظلمهم.يا ساكن العالي دخيل رحمتك وعطفك خلي عينك ع لبنان.
