بكرا لم نشوف إنو عنا مناطق بطلت موجودة، رح نتأكد إنو العدو مسحها وسواها بالتراببكرا لما بترجع الحياة لبرامج التلفزيون، رح يختفي عن سهراتنا، طلة غربان شي منهم تيك تيك وشي منهم تيعا تحت مسمى \"محللين وخبراء\"بكرا لما منعود ع مطارحنا، رح تبطل الشمس مراية والكنار رح يبطل يصيحبكرا لما بتزهر الالحان عن جديد ببلدنا، رح تبقى لسنين ريحة الموت اللي خلفها الدمار وتضحيات الأبرياءبكرا لما منكتشف إنو مات الضمير، رح يبقى السواد بالذاكرةبكرا لما كل محلل باحث عن الشهرة والمال يرجع ع مزبلتو، رح ترتاح الناس من الاطروحات الهمايونيةبكرا لما يصير الوقت مرة بالاسبوع، رح نرتاح شوي من \"مرسال\"بكرا لما بيوقق المدفع، رح نرجع ندفن موتانا، اللي بعدهم ضايعين ع بواب السمابكرا لما بترجع العصفورة لتغرد بالقرميد، رح تلاقي القرميد اختفى بكرا لما منرجع ع تراب الجنوب لندفن عصافيرو الأبرياء اللي استشهدو، رح نصدق إنهم كانو عم يلعبو وخطفهم النسر وطاربكرا لما منشوف الناس راجعة ع بيوتها اللي بطلت موجودة، رح نعرف انو روما وحش الحضارة الما بيشبعبكرا لما نستفقد \"يوسف الكندرجي\" و\"صبحي\" بياع الكاز، رح نلاقيهم بطلو معنابكرا لما نستعيد سهراتنا مع طير الفينيق، رح نتفاجىء إنو ياما فيه وجوه اختفت منهابكرا لما نبلش نترجى شبابنا اللي هاجر ليرجع، رح نعرف حجم الخطية اللي ارتكبناها لأنو ما منسمع لبعض، وما منراعي احلام ومخاوف بعض ببناء دولة ووطنبكرا لما بيأخذ النازح محلنا ولقمتنا، يمكن نعرف قيمة بعضنا وقيمة وطننا بكرا لما بتخلص الحرب، رح نعرف فداحة ما اقترفته ايدينابكرا لما بتوقف الغارات والمعارك، رح نتأكد إنو كل حدا او شي راح ما بقى يرجعبكرا لما نشوف كتار صارو فوق الريح بسبب مآسينا، رح نلاقي من تاني ميل كتار كانو كبار صارو كتير صغاربكرا لما بتوقف مأساتنا، حِلِمْنا ننسى اسامي كل اللي وصلونا ع المطرح اللي نحن فيه اليومبكرا لما نروح تنصَلي للي فارقونا، رح ينشف كل الدمع من عيوننابكرا لما منودع صوت صليات الصواريخ، قولكم قديه رح بكون بعد باقي منا؟بكرا كيف رح نواسي الأم اللي فقدت ولادها، والولاد اللي فقدو أهاليهم، والزوجة اللي ودعت حبيب قلبها، والجار اللي خسر جيرانو، والخي اللي خسر إختو ورفقاتو، والأمل اللي اندفن مع الحرية؟آه منك يا البكرا!بكرا البكي، لما بتختفي الغيوم. وبتنبت الارض ركام، ومنعرف حجم الدمار اللي غَرَقنا وطننا فيه، بسبب جنون العظمة وبسبب مصالح دول خارجية بتعرف كيف تجنب ارضها الحرب، وبتعرف كيف تنقل صراعتها وحروبها لعنا وعَ دمنا، وقتها الحسرة والبكي رح يبطلو ينفعو، خصوصاً إنو نحن لا تعلمنا من التاريخ ولا رح نتعلم من الحاضر، إنو اللي ولاؤو للخارج ما بتصب أفعالو الا بمصلحة الخارج، بوقت كل دول الشرق صارت عم تسعى بس للسلام وللانماء ولتطور شعوبها.