يوم اللي بيعرف كل لبناني بحب بس لبنان إنو ما حدا غير امثالكم نفذ مخطط براون وكيسنجر وساركوزي وكوشنير لتهجير المسيحيين من هالارض، يوم اللي بينحفر اسمكم ع صخور نهر الكلب الى جانب اسم كل محتل تحالفتو معو وفل من الفلسطيني للسوري للايراني وبدون ما نحكي ع تمثلياتكم المقاومتية وانتو دافنين الشيخ زنكي مع العدو سوا، يوم اللي بتحفر الحبال حول رقابكم معنى جديد للتحرير من الدجل، يوم اللي بتعَبِدْ سيول دماء كل اللي سقطو بسببكم دربكم ع جهنم،
يوم اللي بتنكشف حقيقتكم عن كل جريمة وتفجير واغتيال وتشبيح وسلبطة وتبيض اموال وتجارة ممنوعات وإحتضان للزعران والأوباش بهالوطن، يوم اللي بينفضحو كل اللي انبطحو قدامكم من مجتمعنا طمعاً بالنفوذ والمال، يوم اللي بيلعنكم الله لأنكم استعملتو اسمو تتزورو الحقايق وتنشرو الفساد والدم وتزينو العمالة بثوب الاحتلال المقنع،
يوم اللي بيشمت فيكم كل مين عرف قيمة الحلم اللي زرعو “بشير” بقلب كل لبناني اولويتو لبنان، يوم اللي رح تسجل الكتب كيف استقبلناكم ببيوتنا بساعات الشدة وكيف طعنتو فينا بسطوة سلاحكم الغير شرعي وقت تفرعنتو، يوم اللي بيلعن جمهوركم كل ساعة ضحى فيها كرمال قضية كاذبة ما هيي الا قميص عثمان حياكتها ايرانية على مكنة اميريكية، يوم اللي رح يرجع كل لبناني يعرف قيمة وغلاوة استقلال هالوطن عن كل الكون وبدون ما يعادي حدا، يوم اللي منرجع نحن لبنان وانتو خبر كان…
بطشكم يا جبابرة الفوضى والفلتان، ما رح يكون اقوى من بطش الامويين والعثمانيين، اللي اعتو فساد وإجرام بهالوطن لأكثر من ٦٠٠ سنة وبالنهاية انسحقو عَ أعتاب وقف الله ورذلهم كل لبناني أصيل.
لو قد ما كانت الضحية خاطية، ما تفكرو انو رحمة الله بتنزل شي يوم عالمجرم اللي ايديه ملوثة بدم ضحاياه، لأنو الحساب بالنهاية بس عند ربنا اللي اكيد نحن بحزبو اكتر منكم بكتير.
