بتنزل تَتْشِقْ ع حدا بمستشفى، بتشتي الدني وبتغرق سيارتك
بتطلع بالتلفريك تَتْغَيِر جو، بيتعطل وبتعلق بالهوا بين السما والارض ٥ ساعات
بترجع عَ لبنان من السفر، بيسرقوك ع طريق المطار
بتروح عالسوبرماركت وانتَ عم بتصف بكون حدا لاحقك عالموستيك وبينشل غراضك
بتروح تتكسب لقمتك بعرق جبينك براتب كتير واطي، بتنفجر اناني الغاز وبتموت خنيق
بتروح تتسهر بتعمل حادث بسبب انعدام الإضاءة عالطرقات وبتسهر مع ربنا
بتقعد ببيتك تتبعد عن وجع الراس بتجيك جلطة او سكتة قاتولية
بتروح تتعمل عملية عند حكيم ع اساس شاطر، بيغلط وبتطلع روحك تحت ايدو وما حدا بحاسبو
بتروح تتعزي بوقفوك عالطريق انت وراجع تيسرقو سيارتك وبصفوك
بتحط مصرياتك بالبنك بيسرقك
بتقدم ع شغل يا ما حدا بيحكيك ويا بصيرو بدهم يوظفوك ب ١٠٠$ وكل التنقلات والتأمين وصيانة السيارة عليك
بتجيب ناطور لعندك، بيقتلك او بيغتصب ولادك
بتبعت ولادك عالمدرسة، بيوقع السقف عليهم
بتصف سيارتك وبتطلع ع بيتك، بتقوم بتلاقيها مسروقة
بتنزل لتتظاهر ضد الفوضى والفساد، بركبولك ملف او بطيرولك عيونك او بيغتالوك
بتعمر بيتك حجر حجر وبفلس الارملة، بيجو الشباب بيضربو صواريخ من حدو وبترجع المسيرات بتسوي بالارض
بتروح ع شغلك بتلاقيهم جايبين سوري محلك
بتسجل ولادك بأهم مدارس، بتطلع وبتلاقيهم حاملين كراسات عن المثلية الجنسية وبالجامعات عم يغروهم بالمخ_درات
بتبعت ولادك تيتعلمو، بيعملولهم الأحزاب غسيل دماغ
وإذا حظك من السما، انتَ وراجع ع بيتك او شغلك بتاكلها رصاصة طايشة مصدرها هوبرجية المآتم!
وشو بيخطر ع بالكم قصص بتخلي الانسان عنا مغرم بالحبوب المسكنة او ادوية الأعصاب قد ما صارت العيشة بهالبلد حلوة بعدما صار #لبناندولةضايعة.
نجينا يا رب🙏🙏
