صدى الارز

كل الأخبار
مشاهدة متواصلة
إستطلاع
تقاريرنا
أرشيف الموقع
Podcast
إشتركوا في نشرتنا

بتقول الترتيلة عنا!

بقلم : جورج يونس - كاتب و ناشط اجتماعي | "لُمنا وعَيَرنا بطرس بالجُبْنِ يوم انكَرَكََ كلنا قد قُلنا خائِن ليهوذا حين اسلَمَكَ، ونحن اليوم امام الناسِ نستحي بكَ نُنْكِرُكً، بقطعتين من النحاسِ مثلً يهوذا نسلِمُكَ".

من نكسات التاريخ والمسيحية، إنو نفس الاشخاص اللي هَيَصُو واستقبلو المسيح بأورَشليم يوم الشعانين، هني اللي نادو بصلبو بعد أقل من أسبوع. هيدا نموذج اللاوعي والجحود والمصلحة الخاصة عند الناس. هيك عملو بربنا!

المراجع القديمة والاحداث القريبة بتثبتلنا، إنو نفس الأشخاص اللي نادو بسيادة وحرية هالبلد، هني اللي نهبو ودمرو كل شي فيه، وهني اللي ساهمو بتثبيت منظومة الفساد، وهني اللي سرقو تضحيات الشهداء واموالنا بالمصارف وعُمِر اجيالنا اللي راح عالفاضي.

يلي نسيتو انكم تراب، رنين الذهب بِوَرِثْ لعنة التاريخ، لما بكرا رح تنحفر اساميكم بكتب الخيانة السودا بعد دمار كل شي بهالوطن. ٢٠٠ الف فلسطيني خربونا من ال ٤٨ لليوم وبعد باقي منهم، مع كل التجنيس والهجرة، ٤٠٠ الف عم بخربو بهالوطن انطلاقاً من المخيمات. إنتو متخايلين، شو رح يصير فينا ووين رح ننتهي بعد ما كل شي انهار عنا، وبعد كل هالفلتلان المش بريء عالحدود، وبعد ما وصل عدد النازحين لاكتر من عدة ملايين؟ نشالله بس يبقى منا مين يخبر بحرية بهالارض.

من زمان وجايْ، دود الخل من قلب مجتمعنا وتركيبتنا، ولليوم رنين الذهب شغال بزوايا الاحزاب ودهاليز تجار الدين والمال وعَ اطراف حدودنا وضيعنا القريبة من سوريا، والتاريخ اكيد ما رح يرحمنا.

تابعوا أخبارنا على Google-News

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

اكتشاف المزيد من صدى الارز

اشترك الآن للاستمرار في القراءة والحصول على حق الوصول إلى الأرشيف الكامل.

Continue reading